Mir wënschen eis eng Welt, an där all Mënsch iwwerall Zougank huet – net nëmme physesch, mee och den Zougank zu den Informatiounen. Wärend der Coronapandemie huet d’Regierung hiert Méiglechst gemaach, fir jidderengem all Informatiounen ze ginn: Esou sinn d’Deplianten an e puer Sproochen iwwersat ginn an d’Pressekonferenze konnten a Gebäerdesprooch suivéiert ginn.

D’Lëtzebuerger Sprooch ass de Kär vun eiser Identitéit an de Garant fir eng gelongen Integratioun. Dofir wëll d'Regierung eis Sprooch weider fërderen an och déi wëssenschaftlech Recherche virundreiwen.

„D’Zesummeliewe geet eis all eppes un. All zesumme si mer staark, fir en nach méi staarkt Lëtzebuerg weider ze plangen”, esou d’Familljen- an Integratiounsministesch Corinne Cahen bei der Chamberdebatt iwwer d’Integratiounspolitik zu Lëtzebuerg.