D’DP Mamer huet hier Generalversammlung ofgehal an d’Lëscht vun de Kandidatinnen a Kandidate fir d’Gemengewalen vum 11. Juni virgestallt.
D’DP Mamer huet sech Méindegowes, den 9. Januar am Festsall vun der Schoul um Kinneksbond zu Mamer getraff.
Op der Dagesuerdnung stoung fir d’éischt d’uerdentlech Generalversammlung. De President a Gemengerot Sven Bindels huet d’Begréissung vun de ville Memberen a Gäscht – dorënner d’Ministesch fir Famill, Integratioun a Groussregioun Corinne Cahen, d’Deputéierte Gusty Graas, Max Hahn a Pim Knaff an d’Presidentin vum DP Regionalcomité Süden Daliah Scholl gemaach, iert d’Sekretärin Jessica Klopp hire Joresrapport iwwer d’Aktivitéiten vun der DP Mamer duergeluecht huet.
Op e puer Highlighte, wéi déi traditionell 1. Mee Feier beim Mamer Schlass oder d’Präsens vun der DP Mamer um Chrëschtmaart ass och den Tresorier Dany Magar nach eng Kéier agaangen. Um Ufank vum Waljoer 2023 stinn d’Finanze vun der DP Mamer exzellent do.
Den Dany Magar krut dann och d’Decharge vun der Generalversammlung fir seng exemplaresch Keesseféierung.
De Comité vun der DP Mamer gëtt iwwerdeems méi grouss : D’Generalversammlung huet d’Kandidature vum René Friederici, Marie Kirch, Lionel Descharrières a Claude Karger gutt geheescht.
Nom Rapport vum Sven Bindels iwwer d’Aarbechten am Gemengerot hunn d’Daliah Scholl an de Gusty Graas d’Wuert ergraff fir der DP Mamer alles Guddes fir d’Gemengewalen den 11. Juni ze wënschen.
D’Kandidatelëscht mat vill Kompetenz, Erfarung an Engagement wär op jidder Fall ganz villverspriechend.
No der Decharge vum Comité huet de Sven Bindels dann och seng Matkandidatinnen a –kandidate virgestallt. Hei ass d’Lëscht an alphabetescher Reiefolleg:
BINDELS Sven – 43 – Mamer – Staatsbeamte bei der Post
BISSEN Jean – 67 – Capellen – Informatiker a Pensioun
BRANDENBURGER Gilbert – 66 – Holzem – Gemengenugestallten a Pensioun
COIMBRA Tun – 49 – Mamer – Handelsvertrieder
DESCHARRIERES Lionel – 49 – Mamer – Direktiounsmember bei enger Fluggesellschaft a Pilot
DI FABIO Graziella – 51 – Mamer – Rezeptionistin am Mamer Altersheem
FRIEDERICI René – 71 – Mamer – Personalchef Grupp Paul Wurth a Pensioun
HENGEN Jeff – 44 – Mamer – Beruffspompjee
KARGER Claude – 50 – Capellen – Staatsugestallten
KIRCH Marie – 42 – Mamer – Architektin
KLOPP Jessica – 35 – Mamer – Léierin an der Grondschoul
MAGAR Daniel – 47 – Mamer – Industrieingenieur
TROPEANO Luca – 37 – Mamer – Koordinator Carsharing
WATRY Marc – 44 – Capellen – Buschauffer
ZANGERLE épouse KLOPP Sylvie – 63 – Mamer – Verkeeferin a Pensioun
Op en Enn gaangen ass den Owend an enger entspaanter Ambiance mam traditionelle Neijooschpatt offréiert vun der DP Mamer.
