Message vum scheedende President

Léif Memberen a Sympathisante vun DP International,

An de leschte sechs Joer hat ech déi grouss Freed an Éier d’DP International matzegestalten – fënnef Joer als Koordinator an elo iwwer ee Joer als President.

An dëser Zäit hunn ech vill flott Erfarunge gemaach duerch déi ech politesch a perséinlech vill geléiert hunn. Virun allem sinn hunn ech ville bemierkenswäerte Leit begéint, déi meng Iwwerzeegung gestäerkt hunn, datt d’Net-Lëtzebuerger der Lëtzebuerger Politik vill ze bidden hunn.

No sechs Joer an deenen ech eise Grupp an eise Causen méi Visibilitéit bannent der Partei ginn hunn, hunn ech decidéiert enger neier Equipe d’Méiglechkeet ze ginn d’Aarbecht weiderzeféieren an ze garantéieren, datt eise Grupp mat neien Iddien an Inspiratioune weider wuesse kann.

Ech si menge Kolleegen aus dem Comité vun der DP International an der Parteileedung immens dankbar, datt si meng Propos akzeptéiert hunn, de Christos Floros als mäin Nofollger ze bestätegen.

Mat him, dem besteeënde Comité, neie Comitésmember an ärer Ënnerstëtzung, wäert eise Grupp sech weiderhin dynamesch entwéckelen a sech op d’Erausfuerderunge vun den nächste Jore virbereede kënnen.

Ech soen Iech alleguerte VILLMOOLS MERCI fir är onermiddlech Ënnerstëtzung a Participatioun an de leschte Joren an hoffen, datt déi nei Equipe och dorop ziele kann!

Ech freeë mech op déi zukünfteg Erfolleger vun der DP International ze verfollegen an iech bei sëllegen Eventer erëm ze begéinen!

Bis ganz geschwënn! 💙

Liberal Gréiss

Luís Durães Oliveira,

Scheedende President vun der DP International.