Um Enn vun engem erfollegräiche Joer - gepräägt vun de Gemengen- a Chamberwalen - huet d’DP International sech fir eng lescht Versammlung getraff fir op 2023 zeréckzeblécken.

Den 13. Mäerz hat den DP International déi grouss Freed, eng Konferenz mat der DP-Generalsekretärin an Deputéiert Carole Hartmann ze organiséieren. Déi zentral Theme vun dëser Versammlung waren d’Gemengewale vum 11. Juni an d'politesch Bedeelegung vun eisen net-lëtzebuergesche Matbierger.

Mir haten déi grouss Freed den 30. Januar eng gutt besicht Konferenz mat der Finanzministesch Yuriko Backes ze organiséieren. Et war e ganz dynameschen an oppenen Austausch vu Froen a Positiounen tëscht der Ministesch a Memberen a Sympathisante vum DP International zu e puer Themen, déi am éischte Joer vun der Madamm Backes als Regierungsmember vu grousser Wichtegkeet waren a sinn.

Den 11. Oktober huet sech d'Buergermeeschtesch vu Bartreng, d'Monique Smit-Thijs, Zäit geholl fir mat de Membere vun der DP International iwwert e puer aktuell Themen op enger Konferenz ze schwätzen. D’Wichtegkeet vun der Bedeelegung vun de Bierger, Lëtzebuerger wéi Net-Lëtzebuerger, war hei e zentraalt Thema an de Konversatiounen.