Sie sind hier

Parlamentarische Fragen Mobilität und Verkehr Nachhaltigkeit, Natur- und Umweltschutz Carole Hartmann Max Hahn

Firwat dauert et sou laang bis dass d'Leit d'Primm fir e Vëlo oder Elektro-Auto ausbezuelt kréien?

Den DP-Deputéierte Carole Hartmann a Max Hahn ass zu Ouere komm, dass et ënner Ëmstänn ganz laang dauert bis dass d'Leit d'Primm "Clever Fueren" och tatsächlech ausbezuelt kréien. Si hunn dowéinst bei der zoustänneger Ministesch nogefrot, firwat dat sou ass a wat kann ënnerholl ginn, fir dës Delaien ze reduzéieren.

Parlamentarische Fragen Außenpolitik Nachhaltigkeit, Natur- und Umweltschutz Max Hahn Gusty Graas

Wat ënnerhëlt Lëtzebuerg fir d'Unerkennung vum Ekozid als Verbriechen op internationalem Niveau virunzebréngen?

Am aktuelle Koalitiounsaccord schwätzt sech d'Regierung dofir aus, den Ekozid als Verbriechen op internationalem Niveau unzëerkennen. D'DP-Deputéiert Gusty Graas a Max Hahn hu bei den zoustännege Ministeren nogefrot, wat da bis lo konkret an déi Richtung ënnerholl ginn ass.

Parlamentarische Fragen Nachhaltigkeit, Natur- und Umweltschutz Claude Lamberty Max Hahn

Problemer mat Ëmweltgeneemegunge bei Depoten – an deenen Hackschnëtzel produzéiert a gelagert gëtt?

A verschiddene Géigende vum Land – an deenen d’Bëschbestänn et erlaben – gëtt d’Holz schonn zanter längerem als wichteg Energiequell ugesinn. An deem Kontext, ass den d'DP-Deputéiert Max Hahn a Claude Lamberty zu Ouere komm, dass et deslescht bei verschiddenen Depoten – an deenen Hackschnëtzel produzéiert a gelagert gëtt – Problemer mat Ëmweltgeneemegunge gouf. Deementspriechend hunn déi zwee DP-Deputéiert beim zoustännege Minister nogefrot, ob d'Hackschnëtzelanlage weider als sënnvoll ugesi ginn a wéi vill ëffentlech Hackschnëtzel-Projeten zanter dem neien Naturschutzgesetz ëmgesat gi sinn.

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Wéi geet et virun bei der Reduktioun vun der Liichtverschmotzung?

Nodeems den Ëmweltministère virun zwee Joer e Guide rausginn huet fir d'Liichtverschmotzung uechter d'Land ze reduzéieren, hunn d'DP-Deputéiert Max Hahn a Gusty Graas nogefrot, wéi de Bilan bis elo an deem Beräich ausgesäit.

Parlamentarische Fragen Nachhaltigkeit, Natur- und Umweltschutz Max Hahn

Méi en effikasse Recycling vu Plastik?

An engem rezente Reportage huet d'Ëmweltministesch sech retizent gewisen, méi Zorte Plastik an déi blo Tut vu Valorlux z'acceptéieren an éischter op den Ausbau vun de Recyclingszentre verwisen. Allerdéngs si sech d'Experten eens, dass en Ofhuelsystem méi effikass a käschtegënschteg ass wéi e Bréngsystem. Den DP-Deputéierte Max Hahn huet bei der Ministesch nogefrot.

Parlamentarische Fragen Mobilität und Verkehr Nachhaltigkeit, Natur- und Umweltschutz André Bauler Max Hahn

Wéi steet et ëm d'Ausweisung vun neie Bauschuttdeponien?

De Mangel u Bauschuttdeponien an alle Regioune vum Land gëtt scho méi laang vum Secteur kritiséiert. Effektiv musse vill Camionen dacks e wäite Wee duerch d'Land fir bei eng Deponie fueren, wat onnéidege Verkéier an Emissioune verursaacht. D'DP-Deputéiert André Bauler a Max Hahn hu bei der zoustänneger Ministesch nogefrot, wéi et bei der Ausweisung vun neie Bauschuttdeponië viru geet.

Parlamentarische Fragen Klimaschutz und Energie Nachhaltigkeit, Natur- und Umweltschutz Tiere Max Hahn

Manner doudeg Villercher duerch e speziellen Ustrach vun de Wandrieder?

Fuerscher aus Norwegen hunn an engem Experiment rausfonnt, dass bis zu 70% manner Vullen duerch Wandrieder stierwen, wann een ee Rotorblat anescht usträicht wéi déi aner. Den DP-Deputéierte Max Hahn huet bei den zoustännege Ministeren nogefrot, ob et net eng Iddi wier, dëst am Sënn vum Vulleschutz zu Lëtzebuerg flächendeckend anzeféieren.

Parlamentarische Fragen Nachhaltigkeit, Natur- und Umweltschutz Max Hahn

Villercher als natierlecht Mëttel am Kampf géint den Eichenprozessionsspinner?

Den Eichenprozessionsspinner verbreet sech ëmmer méi zu Lëtzebuerg, ma wat d'Eliminatioun vun dësen Insekte betrëfft, gëtt an der Reegel op mechanesch Verfaren, wéi Verbrennen an Ofsuckelen, gesat fir se futti ze maachen. Allerdéngs ginn et villverspriechend Experimenter am Ausland mat Schiel- a Blomeesen, natierlech Feinde vum Eichenprozessionsspinner. Den DP-Deputéierte Max Hahn huet bei der zoustänneger Ministesch nogefrot, ob dat net och eng Piste wier, déi zu Lëtzebuerg agesat kéint ginn.

Parlamentarische Fragen Justiz und Sicherheit Nachhaltigkeit, Natur- und Umweltschutz Claude Lamberty André Bauler Max Hahn

E Sécherheetskonzept fir de ganze Stauséi?

D'Corona-Kris huet gewisen, dass d'Zesummenaarbecht tëscht de verschiddenen Acteuren ëm de Stauséi net ëmmer optimal funktionéiert, besonnesch wat d'Kommunikatioun an d'Koordinatioun vun de verschiddene Mesurë betrëfft. D'DP-Deputéiert André Bauler, Max Hahn a Claude Lamberty hu bei deene betraffe Ministeren nogefrot, inwéifern dës Zesummenaarbecht verbessert soll ginn, ë.a. iwwer d'Schafung vun engem neie Gremium, dat och e Gesamtkonzept fir de Stauséi kéint ausschaffen a punkto Sécherheet, Naturschutz, Offallproblemer etc.

Parlamentarische Fragen Klimaschutz und Energie Nachhaltigkeit, Natur- und Umweltschutz Max Hahn

Wandmillen am Süden: Problemer mat der Geneemegungsprozedur?

Dem DP-Deputéierte Max Hahn ass zu Ouere komm, dass et bei verschiddene vun den 9 Wandmillen déi am Süde vum Land sollen installéiert gi Problemer mat Ëmweltgeneemegunge gouf. An dem Kontext, huet den DP-Deputéiert bei den zoustännege Ministeren nogefrot wéi den aktuelle Stand vun der Geneemegungsprozedur fir all eenzel Wandmillen ass.

 

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Verbuet vun der "obsolescence programmée" och zu Lëtzebuerg?

A Frankräich gouf Apple am Februar vun dësem Joer verklot, well se al iPhone-Modeller méi lues gemaach hunn, nodeems en neie Modell op de Marché komm ass. Sou eng bewosst Verkierzung vun der Liewensdauer vun engem Produit, fir d'Clienten dozou ze beweegen, en neie Produit ze kafen, ass net just Bedruch um Client, mee och en immens ineffikassen a verschwendereschen Ëmgang mat eise Ressourcen. D'DP-Deputéiert Max Hahn a Gusty Graas hu bei den zwou concernéierte Ministeschen nogefrot, ob d'Regierung net wëlles hätt, e Gesetz nom franséische Virbild anzeféieren.

Parlamentarische Fragen Landesplanung und Wohnen Nachhaltigkeit, Natur- und Umweltschutz Max Hahn Gusty Graas

Drécheperioden: Privat Reewaasserbasengen fir Drénkwaasser ze spueren?

Duerch déi laang Drécheperiode geroden d'Waasserressourcen zu Lëtzebuerg ëmmer méi ënner Drock, soudass den Ëmweltministère d'Bierger ëmmer nees opfuerdert, spuersam mam Waasser ëmzegoen. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob et net eng Iddi wier, Reewaasserbasenge bei privaten Haiser ze fërderen, fir sou manner Drénkwaasser ze verbrauchen fir verschidden Aktivitéiten, wéi z.B. Planzen nätzen asw.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Max Hahn Gusty Graas

Mat Drone Réikitz retten?

D'Gebuert vun de Réikitz am Fréijoer fält dack mam éischte Méie vun de Felder zesummen. Well awer deene jonken Déieren hire Fluchtreflex nach net entwéckelt ass, lafen se net fort, wann de Mähdrescher kënnt a geroden ëmmer nees ënnert d'Messeren. Dëst féiert zu ganz uerge Blessuren, un deenen d'Déieren an der Reegel net direkt stierwen, mee lues verbludden. Hautdesdaags ass et awer méiglech, mat Drone mat Wärmebildkameraen e Feld séier ofzesichen, quitt dass déi héich Käschten ee verständlecherweis kënnen dovunner ofhalen, dee Service an Usproch ze huelen. D'DP-Deputéiert Max Hahn a Gusty Graas hunn nogefrot, ob d'Regierung bereet wier, de Bauere finanziell bäizestoen, wann dës op sou e Service zréckgräife géifen.

Parlamentarische Fragen Nachhaltigkeit, Natur- und Umweltschutz Wirtschaft André Bauler Max Hahn

Wéi steet et ëm d'Holzwirtschaft zu Lëtzebuerg?

Déi laang Drécheperioden an de Borkenkäfer belaaschten eis Bëscher staark, virun allem d'Fichtebestänn si betraff. Dëst huet zur Konsequenz, dass de Marché mat Schuedholz iwwerschwemmt ginn ass a vill Bëschbesëtzer op hirem Holz sëtzebleiwen. D'DP-Deputéiert Max Hahn an André Bauler hunn nogefrot, wéi et dem Secteur geet a wéi eng zousätzlech Mesuren eventuell geholl kéinte gi fir de betraffene Leit a Betriber ze hëllefen.

Parlamentarische Fragen Nachhaltigkeit, Natur- und Umweltschutz André Bauler Max Hahn

Wat gëtt géint déi illegal Deponie am Naturpark Our ënnerholl?

Schonn zënter enger Rei Jore gëtt et am Naturpark Our, tëscht Ënnereesbech a Stolzebuerg, eng illegal Deponie, op där allméigleche Knascht entsuergt gëtt. Well awer bis lo an deem Dossier nach net vill geschitt ze si schéngt, hunn d'DP-Deputéiert André Bauler a Max Hahn bei der zoustänneger Ministesch nogefrot, ob hir dës Ëmstänn bekannt sinn a wat si dogéint z'ënnerhuele gedenkt.