Aktuell - DP.lu

Sie sind hier

13/01/2021 Parlamentarische Fragen Mobilität und Verkehr Nachhaltigkeit, Natur- und Umweltschutz Carole Hartmann Max Hahn

Firwat dauert et sou laang bis dass d'Leit d'Primm fir e Vëlo oder Elektro-Auto ausbezuelt kréien?

Den DP-Deputéierte Carole Hartmann a Max Hahn ass zu Ouere komm, dass et ënner Ëmstänn ganz laang dauert bis dass d'Leit d'Primm "Clever Fueren" och tatsächlech ausbezuelt kréien. Si hunn dowéinst bei der zoustänneger Ministesch nogefrot, firwat dat sou ass a wat kann ënnerholl ginn, fir dës Delaien ze reduzéieren.

17/12/2020 Parlamentarische Fragen Mobilität und Verkehr Claude Lamberty Max Hahn

Manner d'Accidenter a Protokoller op Strecke wou fix Radaren stinn?

Knapp fënnef Joer zënter der Installatioun vum éischte fixe Radar, froen d'DP-Deputéiert Max Hahn a Claude Lamberty beim zoustännege Minister no, wéi d'Unzuel an d'Gravitéit vun de Vitesse-Iwwerschreidungen op de jeeweilege Plazen evoluéiert huet.

17/12/2020 Parlamentarische Fragen Mobilität und Verkehr Carole Hartmann Max Hahn

Wéi eng zousätzlech Busspuere si geplangt?

Wat nëtzen déi nei Expressbuslinne wann de Bus am Stau steet? Fir dës nei Linnen an de Bus generell méi séier a méi attraktiv ze maachen, sinn nei Busspueren néideg. D'DP-Deputéiert Carole Hartmann a Max Hahn beim zoustännege Minister nogefrot, wéi d'Pläng vum Ministère an deem Beräich ausgesinn.

17/12/2020 Parlamentarische Fragen Mobilität und Verkehr Max Hahn

Eng nei Vëlospist op der N5?

Dem DP-Deputéierte Max Hahn ass zu Ouere komm, dass rezent op der N5 tëscht Dippech a Bartreng Ausmoossaarbechte gemaach gi si fir op där Plaz méiglecherweis eng nei Vëlospist ze schafen. Hien huet dowéinst beim zoustännege Minister nogefrot, ob dësen dat confirméieren an eventuell weider Detailer ka ginn.

23/11/2020 Parlamentarische Fragen Gesundheit und Pflege Mobilität und Verkehr Max Hahn

Wéi steet et ëm de Respekt vun der Maskeflicht am ëffentlechen Transport?

Zënter dem Abrëll besteet d'Maskeflicht am ëffentlechen Transport. Den DP-Deputéierte Max Hahn wollt vum zoustännege Minister wëssen, ob de Respekt vun där Reegel kontrolléiert gëtt a wat d'Resultat vun dëse Kontrollen ass.

23/10/2020 Parlamentarische Fragen Mobilität und Verkehr Max Hahn

Eng Primm och fir Occasiounsvëloen?

Den DP-Deputéierte Max Hahn huet bei der zoustänneger Ministesch nogefrot, ob et virgesi wier, dass d'Leit an Zukunft och beim Kaf vun engem gebrauchte Vëlo ënner gewësse Konditioune vun enger Primm profitéiere kënnen.

06/10/2020 Parlamentarische Fragen Mobilität und Verkehr Nachhaltigkeit, Natur- und Umweltschutz André Bauler Max Hahn

Wéi steet et ëm d'Ausweisung vun neie Bauschuttdeponien?

De Mangel u Bauschuttdeponien an alle Regioune vum Land gëtt scho méi laang vum Secteur kritiséiert. Effektiv musse vill Camionen dacks e wäite Wee duerch d'Land fir bei eng Deponie fueren, wat onnéidege Verkéier an Emissioune verursaacht. D'DP-Deputéiert André Bauler a Max Hahn hu bei der zoustänneger Ministesch nogefrot, wéi et bei der Ausweisung vun neie Bauschuttdeponië viru geet.

28/09/2020 Parlamentarische Fragen Mobilität und Verkehr Max Hahn

Wéi steet et ëm de Mateneen op der Strooss?

Zënter der Pandemie sinn eng Rei méi Vëlosfuerer op der Strooss ënnerwee, vun deenen awer net jiddereen sech ëmmer un de Code de la route hält. Gläichzäiteg ginn et och Autofuerer, déi duerch hiert Fuerverhale Vëlosfuerer a Gefor bréngen. Den DP-Deputéierte Max Hahn huet bei den zoustännege Ministeren nogefrot, wat geplangt ass, fir de Mateneen tëscht allen Acteuren op der Strooss ze verbesseren.

22/09/2020 Parlamentarische Fragen Mobilität und Verkehr Claude Lamberty Max Hahn

Taxisecteur: Wou ass d'Reform vun der Reform drun?

D'Taxisreform vun 2016 huet säin Haaptzil - den Taxi méi bëlleg ze maachen - net erreecht. Dowéinst huet den zoustännege Minister scho virun méi wéi engem Joer ugekënnegt, wëllen nozebesseren. D'DP-Deputéierte Max Hahn a Claude Lamberty hu beim Minister nogefrot, wou dës Reform vun der Reform drun ass a wéi se wäert ausgesinn.

17/09/2020 Parlamentarische Fragen Mobilität und Verkehr Max Hahn Gusty Graas

Méi sécher Zebrasträifen duerch extra Markéierungen?

A ville Gemengen uechter d'Land gëtt mat zousätzleche visuellen Elementer experimentéiert fir d'Zebrasträife méi siichtbar ze maachen an doduerch fir eng besser Verkéierssécherheet fir Foussgänger ze suergen. D'DP-Deputéiert Gusty Graas a Max Hahn hu beim zoustännege Minister nogefrot, wat dësen dovunner hält an ob virgesi wier sou Projeten am ganze Land ze fërderen.

11/09/2020 Parlamentarische Fragen Mobilität und Verkehr Max Hahn

Gëtt d'Primm fir en neie Vëlo oder Pedelec verlängert?

Wéinst der Corona-Kris hu vill Leit de Vëlo nei entdeckt, soudass et wéinst der héijer Demande zu Enkpäss an de Butteker komm ass an och nach ëmmer kënnt. Den DP-Deputéierte Max Hahn huet bei der zoustänneger Ministesch nogefrot, ob d'Vëlosprimm verlängert gëtt, fir dass déi Leit déi kee Vëlo kafe konnten, well d'Butteker eidel waren, och vun der Primm profitéiere kënnen.

08/09/2020 Parlamentarische Fragen Klimaschutz und Energie Mobilität und Verkehr Max Hahn

Eng Primm fir d'Batterie vum Elektrovëlo z'ersetzen?

Amplaz en neie Pedelec ze kafen, wann d'Batterie net méi geet, wier et méi nohalteg, just d'Batterie z'ersetzen. Allerdéngs ass et mam aktuelle Primme-System zum Deel méi intressant, ebe genee direkt en neie Vëlo ze kafen. Den DP-Deputéierte Max Hahn huet bei den zoustännege Ministeren nogefrot, ob et net sënnvoll wier, och d'Ersetze vun der Batterie z'ënnerstëtzen.

16/07/2020 Parlamentarische Fragen Mobilität und Verkehr Max Hahn Carole Hartmann

Wéi gesäit et mat der Reform vum Adapto aus?

Quitt dass et roueg ëm d'Reform vum Adapto ginn ass, ass den DP-Deputéierte Max Hahn a Carole Hartmann zu Ouere komm, dass um Terrain villes nach net klappt. Aus deem Grond hu si beim zoustännege Minister nogefrot, wéi et bei der Ëmsetzung vun der Adapto-Reform ausgesäit a wou eventuell nach nogebessert muss ginn.

15/07/2020 Parlamentarische Fragen Mobilität und Verkehr Claude Lamberty Max Hahn

5G a WiFi am ëffentlechen Transport

A wéi ville Bussen an Zich gëtt et scho WiFi fir d'Passagéier? Bis wéini ginn d'Zich vun der CFL domadder equipéiert? Wäert d'CFL vum Opbau vum nationale 5G Reseau profitéieren, fir de Passagéier an Zukunft eng méi grouss Bandbreet zur Verfügung ze stellen? D'DP-Deputéiert Claude Lamberty a Max Hahn hunn dem Mobilitéitsminister e puer Froen zu deem Sujet gestallt.

15/07/2020 Parlamentarische Fragen Mobilität und Verkehr Max Hahn

Manner Zuchkaméidi duerch Dämpfer op de Schinnen?

De Kaméidi vun Zich stellt dacks eng grouss Belaaschtung duer fir d'Leit, déi an der Géigend vun enger Gare oder Schinne wunnen. An hirer Äntwert op dem DP-Deputéierte Max Hahn seng parlamentaresch Fro hat d'Ëmweltministesch e Pilot Projet ernimmt, bei deem sougenannten "raildampers" op de Schinnen installéiert ginn, fir de Kaméidi ze reduzéieren. De Max Hahn huet dowéinst beim Mobilitéitsminister nogefrot, wat d'Konklusioune vun dësem Projet wieren an ob sou Dämpfer op méi Plazen am Land wäerten installéiert ginn.

Sie sind hier

SERVICE

PARTEI

PRESSE