Sie sind hier

Parlamentarische Fragen Mobilität und Verkehr Max Hahn Gusty Graas

Méi sécher Zebrasträifen duerch extra Markéierungen?

A ville Gemengen uechter d'Land gëtt mat zousätzleche visuellen Elementer experimentéiert fir d'Zebrasträife méi siichtbar ze maachen an doduerch fir eng besser Verkéierssécherheet fir Foussgänger ze suergen. D'DP-Deputéiert Gusty Graas a Max Hahn hu beim zoustännege Minister nogefrot, wat dësen dovunner hält an ob virgesi wier sou Projeten am ganze Land ze fërderen.

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Verbuet vun der "obsolescence programmée" och zu Lëtzebuerg?

A Frankräich gouf Apple am Februar vun dësem Joer verklot, well se al iPhone-Modeller méi lues gemaach hunn, nodeems en neie Modell op de Marché komm ass. Sou eng bewosst Verkierzung vun der Liewensdauer vun engem Produit, fir d'Clienten dozou ze beweegen, en neie Produit ze kafen, ass net just Bedruch um Client, mee och en immens ineffikassen a verschwendereschen Ëmgang mat eise Ressourcen. D'DP-Deputéiert Max Hahn a Gusty Graas hu bei den zwou concernéierte Ministeschen nogefrot, ob d'Regierung net wëlles hätt, e Gesetz nom franséische Virbild anzeféieren.

Parlamentarische Fragen Landesplanung und Wohnen Nachhaltigkeit, Natur- und Umweltschutz Max Hahn Gusty Graas

Drécheperioden: Privat Reewaasserbasengen fir Drénkwaasser ze spueren?

Duerch déi laang Drécheperiode geroden d'Waasserressourcen zu Lëtzebuerg ëmmer méi ënner Drock, soudass den Ëmweltministère d'Bierger ëmmer nees opfuerdert, spuersam mam Waasser ëmzegoen. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob et net eng Iddi wier, Reewaasserbasenge bei privaten Haiser ze fërderen, fir sou manner Drénkwaasser ze verbrauchen fir verschidden Aktivitéiten, wéi z.B. Planzen nätzen asw.

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Max Hahn Gusty Graas

Mat Drone Réikitz retten?

D'Gebuert vun de Réikitz am Fréijoer fält dack mam éischte Méie vun de Felder zesummen. Well awer deene jonken Déieren hire Fluchtreflex nach net entwéckelt ass, lafen se net fort, wann de Mähdrescher kënnt a geroden ëmmer nees ënnert d'Messeren. Dëst féiert zu ganz uerge Blessuren, un deenen d'Déieren an der Reegel net direkt stierwen, mee lues verbludden. Hautdesdaags ass et awer méiglech, mat Drone mat Wärmebildkameraen e Feld séier ofzesichen, quitt dass déi héich Käschten ee verständlecherweis kënnen dovunner ofhalen, dee Service an Usproch ze huelen. D'DP-Deputéiert Max Hahn a Gusty Graas hunn nogefrot, ob d'Regierung bereet wier, de Bauere finanziell bäizestoen, wann dës op sou e Service zréckgräife géifen.

Parlamentarische Fragen Gesundheit und Pflege Mobilität und Verkehr Max Hahn Gusty Graas

Fluchverbindung Findel-Stockholm: Wat sinn d'Risike fir nei Corona-Infektiounen?

Well viru kuerzem a Schweden den Taux vun den Neiinfektiounen op iwwer 50 pro 100 000 Awunner geklommen ass, wat bei wäitem dat héchst a ganz Europa ass, huet déi däitsch Regierung de Bundeslänner d'Recommandatioun ginn, Leit déi aus Schweden an Däitschland reesen, fir zwou Wochen an d'Quarantaine ze schécken. Vu dass d'Luxair, déi zënter dem 29. Mee rëm flitt, och Stockholm vum Findel aus uflitt, hunn d'DP-Deputéiert Gusty Graas a Max Hahn eng Drénglechkeetsfro un déi zoustänneg Ministere geriicht fir nozefroen, wéi se wëlles hunn mat där Situatioun ëmzegoen.

Parlamentarische Fragen Mobilität und Verkehr Max Hahn Gusty Graas

Digitaliséierung vun de Servicer vun der SNCA

D'Digitaliséierung vun de Verwaltungen an hire Servicer brénge vill Virdeeler fir d'Bierger, d'Corona-Kris huet dëst op en Neits ënnerstrach. D'DP-Deputéiert Gusty Graas a Max Hahn hu beim zoustännege Minister nogefrot wéi et ëm d'Digitaliséierung bei der SNCA steet.

Parlamentarische Fragen Mobilität und Verkehr Max Hahn Gusty Graas

Kriteschen Zoustand vun der N33

Et ass den DP-Deputéierte Gusty Graas a Max Hahn zu Ouere komm, dass d'N33 op der Héicht vum Käler Potto an engem kriteschen Zoustand wier, an dass och net ausgeschloss kéint ginn, dass de Buedem op där Plaz eng Kéier rutscht. Ugesiichts vun de seriöe Konsequenzen, déi sou en Äerdrutsch fir d'Mobilitéit am ganze Käldall mat sech brénge géif, hunn de Gusty Graas an de Max Hahn beim zoustännege Minister nogefrot, ob de Minister sech däers bewosst ass an, wa jo, wat geplangt wier, fir dës Strooss ze stabiliséieren.

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Leeft knaschtegt Waasser iwwer d'Reewaasserkanalisatioun an d'Natur?

D'Reewaasserkanalisatioun an de Stroosse gëtt net méi un d'Kläranlag ugeschloss, mee d'Waasser gëtt direkt an d'Natur lafe gelooss. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob si kee Risiko gesäit, dass op deem Wee knaschtegt Waasser, wéi Seefewaasser oder Faarfreschter, an der Ëmwelt lande kéinten.

Parlamentarische Fragen Mobilität und Verkehr Max Hahn Gusty Graas

Geschwënn obligatoresch Abbiegeassistenten fir Camionen a Busser?

Well d'Vëlosfuerer zu de schwächste Glidder am Stroosseverkéier gehéieren, huet déi Europäesch Kommissioun decidéiert, dass ab 2024 all neie Camion a Bus mat engem sougenannten "Abbiegeassistent" muss equipéiert sinn, fir d'Verkéierssécherheet z'erhéijen. Eisen däitschen Noperen dauert dat ze laang, dowéinst hu si elo scho Mesure geholl, fir Gefierer mat dësen Assistenten z'equipéieren. D'DP-Deputéiert Gusty Graas a Max Hahn hunn beim zoustännege Minister nogefrot, wéi seng Positioun zu där Thematik ass, an ob hien och wëlls huet, méi séier wéi den europäesche Legislateur ze handelen.

News Frank Colabianchi Lydie Polfer Joëlle Elvinger Guy Arendt André Bauler Gilles Baum Simone Beissel Eugène Berger Fernand Etgen Max Hahn Carole Hartmann Gusty Graas

Bilan vun der DP-Fraktioun: Manner Quantitéit, ma méi Qualitéit!

Fir d’DP-Fraktioun ass d’Qualitéit vun der parlamentarescher Aarbecht méi wichteg, wéi d’Quantitéit, och wann d’Majoritéit déi lescht 6 Méint schonn eng Hellewull un Texter ëmgesat huet.

Parlamentarische Fragen Mobilität und Verkehr Max Hahn Gusty Graas

Firwat rullt et op der Zuchstreck tëscht Rëmeleng an Näerzeng net méi?

Ab dem 10. Januar fuere keng Zich méi tëscht Rëmeleng an Näerzeng, well, wéi d'CFL soen, net genuch Zich disponibel sinn. D'Leit mussen dowéinst de Bus huele fir an d'Stad, e Bus, deen dack schonn zu Rëmeleng iwwerfëllt ass, an och wéinst dem Stau vill méi laang brauch. D'DP-Deputéiert Max Hahn a Gusty Graas hunn aus deem Grond vum Transportminister wollte wëssen, wéi et méiglech ass, dass net genuch Zich disponibel sinn, an ob d'Leit och mat Zäiten iwwert dësen Ausfall informéiert gi sinn.

News Frank Colabianchi Lydie Polfer Joëlle Elvinger Guy Arendt André Bauler Gilles Baum Simone Beissel Eugène Berger Fernand Etgen Max Hahn Carole Hartmann Gusty Graas

Wéi eng DP-Deputéiert sinn a wéi enge Chamberkommissiounen?

De gréissten Deel vun der parlamentarescher Aarbecht geschitt an de Chamberkommissiounen. Hei gesi der elo, wéi eng vun eisen Deputéierten a wéi enge Kommissioune sinn. Da wësst der direkt, mat wéi engen Theme sech d'DP-Deputéiert virop wärend den nächste fënnef Joer befaassen.

News Familie Lydie Polfer Edy Mertens Claude Lamberty Anne Brasseur Lex Delles Joëlle Elvinger Alexander Krieps André Bauler Gilles Baum Simone Beissel Eugène Berger Max Hahn Gusty Graas

Däitlech méi fir d'Famill

D’DP mécht sech staark fir all d’Leit a setzt sech geziilt fir d’Familljen an. Mir wëllen hiren Alldag erliichteren an d’Elteren an d’Kanner aktiv ënnerstëtzen.

 deutsche Übersetzung
 traduction française
 English translation

Parlamentarische Fragen Mobilität und Verkehr Max Hahn Gusty Graas

Revendikatiounen zur direkter Zuchverbindung vu Wollmeréng an d'Stad

An de lëschten Deeg war zimlech vill Opreegung op d'Ewechfalen ab dem 10. Dezember vun der direkter Zuchverbindung vu Wollmeréng an d'Stad. Och verschidde Gemengen hunn sech elo zu Wuert gemellt. D'DP-Deputéierte Max Hahn a Gusty Graas froe beim Minister no wéi hien op des Revendicatioune reagéiere gedenkt

Parlamentarische Fragen Justiz und Sicherheit Max Hahn Gusty Graas

De neie Code de procédure pénale an der Praxis

De neie Code de procédure pénale ass mëttlerweil a Kraaft getruede mee d’Poliziste schéngen nach net forméiert ze sinn. Wat et domadder op sech huet, hunn d’Deputéierte Max Hahn a Gusty Graas beim Policeminister nogefrot.