Sie sind hier

Parlamentarische Fragen Landwirtschaft und Weinbau André Bauler Gusty Graas

Wäert eis Landwirtschaft méi Waasser brauchen?

Waasser ass eng liewenswichteg Ressource, och fir eis Landwirtschaft. No deene ville waarme Summeren hunn d'DP-Deputéiert Gusty Graas an André Bauler bei den zoustännege Ministeren nogefrot, wéi vill d'Landwirtschaft, de Gaardebau an och de Wäibau momentan brauchen an Zukunft brauche wäerten.

Parlamentarische Fragen Mobilität und Verkehr Gusty Graas

Eng Navette tëscht dem Grenzparking Sterpenech an der Klengbettener Gare?

Fir de Beruffstrafic tëscht der Belsch a Lëtzebuerg ze verbesseren hu rezent zwee wallounesch Deputéiert proposéiert eng Busnavette tëscht dem Grenzparking zu Sterpenech an der Klengbettener Gare z'organiséieren. Den DP-Deputéierte Gusty Graas huet beim zoustännege Minister nogefrot, wat dësen dovunner hält.

Parlamentarische Fragen Gesundheit und Pflege Carole Hartmann Gusty Graas

Wéieng Erausfuerderungen stelle sech beim Covid-19-Impfstoff?

D'Méiglechkeet vun engem wierksame Vaccin géint de Covid-19 gëtt ëmmer méi grouss. Ma et stelle sech nach Froen, ënnert Anerem zu der Lagerung an dem Transport vum Impfstoff. D'DP-Deputéiert Gusty Graas a Carole Hartmann hu bei der Gesondheetsministesch nogefrot.

Parlamentarische Fragen Landwirtschaft und Weinbau Tiere Gusty Graas

E mobile Schluechthaff och zu Lëtzebuerg?

A ville Länner ginn et schonns mobil Schluechthaiser. Den Avantage vun esou Strukturen ass, datt den Transportwee ewech fält an d'Déiere manner ënner Stress leiden. D'Wallonie wëll elo esou eng Unitéit uschafen. Den DP-Deputéierte Gusty Graas freet beim Landwirtschaftsminister no wat hie vun esou mobile Schluechthaiser hält an ob et fir Lëtzebuerg sënnvoll wier sech um belsche Projet ze bedeelegen.

Parlamentarische Fragen Landwirtschaft und Weinbau Tiere Gusty Graas

Wéi héich ass de Risiko, datt d'Vullegripp op Lëtzebuerg kënnt?

Kierzlech goufen a Frankräich d'Sécherheetsmesurë géint d'Vullegripp verschäerft. Den DP-Deputéierte Gusty Graas freet beim Landwirtschaftsminister no, wéi héich de Risiko ass, datt d'Vullegripp op Lëtzebuerg kënnt an ob scho Mesurë prett si fir géint de Virus virzegoen?

Parlamentarische Fragen Tiere Gusty Graas

Déieren, déi net géint d'Tollwut geimpft sinn?

Kierzlech huet de Landwirtschaftsministère gewarnt, datt ee keng Déieren, déi net géint d'Tollwut geimpft sinn, adoptéiere soll. Den DP-Deputéierte Gusty Graas huet nogefrot ëm wat fir Déieren et sech hei géif handelen a wéi vill esou Fäll den Autoritéite bekannt wieren.

Parlamentarische Fragen Nachhaltigkeit, Natur- und Umweltschutz Gusty Graas

Zement an der Péitruss?

Den DP-Deputéierte Gusty Graas wëll a senger Fro un d'Ëmweltministesch weider Informatioune zu enger rezenter Verknaschtung vun der Péitruss an der Stad wëssen.

Parlamentarische Fragen Gesundheit und Pflege Gusty Graas

Wéi oft gëtt d'Medikament TILIDIN hei am Land verschriwwen?

D'Medikament TILIDIN, ee synthetescht Analgetikum, gëtt an Däitschland bei jonke Leit ëmmer méi beléift. Säi Mëssbrauch kann awer süchteg maachen. Den DP-Deputéierten Gusty Graas huet sech bei den zoustännege Ministeren ënnert Anerem doriwwer renséignéiert, wéi oft den TILIDIN hei am Land u Jonker verschriwwe gëtt. 

Parlamentarische Fragen Nachhaltigkeit, Natur- und Umweltschutz Gusty Graas

Cattenom a Killwaasser aus der Musel: Wat ass den Impakt vum Klimawandel?

De Lac de Pierre-Percée kompenséiert dat Waasser, dat aus der Musel geholl gëtt fir d'Nuklearzentral vu Cattenom ze killen. Wéinst der Dréchent vun de leschten zwee Joer ass den Niveau vun dësem Séi awer ongewéinlech déif gewiescht, soudass sech d'Fro stellt, wéi sech d'Situatioun am Kader vum Klimawandel an Zukunft wäert entwéckelen a wat den Impakt op d'Musel wäert sinn. Den DP-Deputéierte Gusty Graas huet bei der zoustänneger Ministesch nogefrot.

Parlamentarische Fragen Landwirtschaft und Weinbau André Bauler Gusty Graas

Wéi geet et dem Lëtzebuerger Mëllechsecteur?

D'DP-Deputéiert Gusty Graas an André Bauler hu beim Landwirtschaftsminister nogefrot wéi et momentan ëm de Mëllechsecteur zu Lëtzebuerg bestallt ass? Si froen ënner aneren, wéi héich d'Produktiounskäschte fir de Bauer vun engem Liter Mëllech sinn an ob hie mat dëse rentabel schaffe kann? Donieft wëllen si gewuer ginn, wéi d'Consomatioun vun der Koumëllech an der Biomëllech déi lescht Joren evoluéiert huet an ob planzlech Ersatzproduite wéi Mandel- Soja oder Huewermëllech, déi ëmmer méi um Komme sinn, en Impakt op d'Consomatioun vu Koumëllech hunn? 

Parlamentarische Fragen Landwirtschaft und Weinbau Nachhaltigkeit, Natur- und Umweltschutz Gusty Graas

Wat ass an deene suspekte Päck?

Kierzlech huet d'ASTA d'Leit, déi suspekt Päck mat Kären Heem geschéckt kruten, opgefuerdert sech un si ze wenden. Den DP-Deputéierte Gusty Graas huet déi zoustänneg Ministere gefrot, wéi vill Leit dëser Demande schonn nogaange sinn an ob d'ASTA analyséiert wat genau an deene Päck ass?

Parlamentarische Fragen Mobilität und Verkehr Max Hahn Gusty Graas

Méi sécher Zebrasträifen duerch extra Markéierungen?

A ville Gemengen uechter d'Land gëtt mat zousätzleche visuellen Elementer experimentéiert fir d'Zebrasträife méi siichtbar ze maachen an doduerch fir eng besser Verkéierssécherheet fir Foussgänger ze suergen. D'DP-Deputéiert Gusty Graas a Max Hahn hu beim zoustännege Minister nogefrot, wat dësen dovunner hält an ob virgesi wier sou Projeten am ganze Land ze fërderen.

Parlamentarische Fragen Nachhaltigkeit, Natur- und Umweltschutz Gusty Graas

Dossier FAGE: Manner Waasserverbrauch duerch eng innovativ Klärtechnologie?

Kann de Waasserverbrauch vun der Jughurtsfabrick zu Beetebuerg duerch eng nei Technologie drastesch reduzéiert ginn? Eng Lëtzebuerger Firma huet eng Méiglechkeet entwéckelt 80% vum Ofwaasser a Form vun Drénkwaasser ze recuperéieren. Den DP-Deputéierte Gusty Graas huet bei der zoustänneger Ministesch nogefrot, ob et virgesi wier dës Entreprise z'ënnerstëtzen a vu dass et technesch méiglech ass, FAGE ze verflichten, e Maximum un Drénkwaasser ze klären an nach eng Kéier ze benotzen.

Parlamentarische Fragen Nachhaltigkeit, Natur- und Umweltschutz Gusty Graas

Dossier FAGE: Wéi steet et ëm d'Gestioun vum Klärschlamm?

Ronn 16.000 Tonne Klärschlamm sollen an der Jughurtsfabrick zu Beetebuerg all Joer ufalen. Gläichzäiteg soen Experten aus dem Secteur, déi lëtzebuergesch Filièrë fir de Klärschlamm ze verschaffe wiere lo scho saturéiert. Dobäi kënnt, dass Frankräich, wouhinner FAGE ursprénglech e groussen Deel exportéiere wollt, ab nächstem Joer all Import vu Klärschlamm verbueden huet. Den DP-Deputéierte Gusty Graas huet bei der zoustänneger Ministesch nogefrot, ob dës zousätzlech Quantitéiten zu Lëtzebuerg absorbéiert kënne ginn oder ob aner Léisunge musse fonnt ginn.

Parlamentarische Fragen Außenpolitik Landwirtschaft und Weinbau Wirtschaft Gusty Graas

Wéi geet et weider mam EU-Mercosur-Accord?

Nodeems Frankräich scho länger retizent op de EU-Accord-Mercosur-Accord reagéiert huet, huet kierzlech och déi däitsch Kanzlerin Merkel sech skeptesch vis-à-vis vum aktuellen Text vum Accord geäussert. Den DP-Deputéierte Gusty Graas huet bei den zoustännege Ministeren nogefrot, wéi et elo mam Accord weidergeet?