Sie sind hier

Parlamentarische Fragen Landesplanung und Wohnen Wirtschaft Carole Hartmann

Eng besser Landesplanung duerch nei Aktivitéitszonen un de Grenzen

D'Schafe vun neien Aktivitéitszonen ass en zentraalt Instrument fir eng equilibréiert Landesplanung a wirtschaftlech Entwécklung. Besonnesch an der Grenzregioun, a mat Plaz fir Coworking-Strukturen, droen se dozou bäi, de Verkéier an den Zentrum vum Land ze reduzéieren. Aus deem Grond huet d'DP-Deputéiert Carole Hartmann bei den zoustännege Ministeren nogefrot, wou deen Dossier drun ass, wat an Zukunft geplangt ass an ob virgesinn ass, grad Zonen un de Grenzen a mat Coworking-Strukturen ze favoriséieren.

Parlamentarische Fragen Landesplanung und Wohnen Nachhaltigkeit, Natur- und Umweltschutz Max Hahn Gusty Graas

Drécheperioden: Privat Reewaasserbasengen fir Drénkwaasser ze spueren?

Duerch déi laang Drécheperiode geroden d'Waasserressourcen zu Lëtzebuerg ëmmer méi ënner Drock, soudass den Ëmweltministère d'Bierger ëmmer nees opfuerdert, spuersam mam Waasser ëmzegoen. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob et net eng Iddi wier, Reewaasserbasenge bei privaten Haiser ze fërderen, fir sou manner Drénkwaasser ze verbrauchen fir verschidden Aktivitéiten, wéi z.B. Planzen nätzen asw.

Parlamentarische Fragen Landesplanung und Wohnen Max Hahn

Alternativ Wunnformen méi einfach zougänglech maachen

Ëmmer méi Leit entscheede sech gäre fir alternativ Wunnformen, wéi z.B. "tiny houses". Zu Lëtzebuerg ginn et allerdéngs den Ament nach eng Rei Schwieregkeeten, wann een dee Wee goe wëll, z.B. a Bezuch op d'Mindestufuerderunge par rapport zur Gréisst vun enger Wunnunitéit. Den DP-Deputéierte Max Hahn huet nogefrot, wéi d'Regierung et den intresséierte Leit méi einfach wëll maachen, an engem "tiny house" ze wunnen a wéi gläichzäiteg verhënnert soll ginn, dass et op deem Wee zu enger Verbreedung vu prekäre Wunnverhältnisser kënnt.

Parlamentarische Fragen Landesplanung und Wohnen André Bauler Gusty Graas

Wéi gesinn d'Investisiounshëllefe fir d'Landwirtschaft ab dem 1. Januar 2021 aus?

Wéi gesinn d'Investitiounshëllefe fir d'Landwirtschaft ab dem 1. Januar 2021 aus? Dat ass eng Fro déi vill Baueren sech momentan stellen. Wéi laang wäert d'Iwwergangsphase dauere bis dat neit Agrargesetz a Kraaft wäert sinn? Ginn d'Tauxen erop? Wat ass wann een de Plaffong schonn erreecht huet? D'Bauere brauche Planungssécherheet fir kënne weider an hir Betriber z'investéieren. Dofir hunn d'DP-Deputéiert Gusty Graas an André Bauler de Landwirtschaftsminister gefrot, wéi d'Hëllefen ab dem 1. Januar 2021 wäerten ausgesinn a wéini hien de Secteur doriwwer wëll informéieren.

Parlamentarische Fragen Landesplanung und Wohnen André Bauler Max Hahn

Wunnenge fir Jonker

Besonnesch fir jonk Leit ass et schwéier um Lëtzebuerger Immobiliëmarché eppes ze fanne wat zu hirer perséinlecher, finanzieller a sozialer Situatioun passt. Ma et gi jo Wunngemeinschaften, Studentewunnengen an och encadréiert Wunne fir Jonker. Wéi vill Projete sinn nach an der Realisatioun a wéi hunn d'Zuelen sech an deene leschte 5 Joer entwéckelt? Dës a weider Froen hunn eis Deputéierte Max Hahn an André Bauler dem Logementsminister gestallt. 

Parlamentarische Fragen Landesplanung und Wohnen Wirtschaft André Bauler

Speziell Wunnengen an Ateliere fir Kënschtler schafen?

Jonk Kënschtler si finanziell net ëmmer gutt gestallt fir eng Wunneng mat engem klengen Atelier ze lounen. Et ass also wichteg, datt hinnen op deem Plang gehollef gëtt.

Dofir huet den Deputéierten André Bauler d'Kulturministesch gefrot ob et de Moment speziell Wunnenge gëtt fir jonken Artisten zur Verfügung ze stellen. Weider wollt den Nord-Deputéierte wëssen ob d'Ministesch envisagéiert fir neie Wunnraum fir Kënschtler erschléissen ze loossen; Wunnengen, déi mat Ateliere kéinte kombinéiert ginn.

Parlamentarische Fragen Landesplanung und Wohnen Landwirtschaft und Weinbau André Bauler

Wéi ee Site fir déi nei ASTA-Laboen?

Wou sollen déi nei Laboe fir d'Administration des services techniques de l'agriculture (ASTA) hikommen? Nodeems, wéi et schéngt, aus dem urspréngleche Site um Fridhaff bei Dikrech näischt gëtt, huet den DP-Deputéierten André Bauler beim zoustännege Minister nogefrot, wéi eng aner Plazen ëm d'Nordstad a Fro géife kommen. Ausserdeem wollt den André Bauler wëssen, ob virgesi wier, all d'Büroe vun der ASTA op den neie Site am Sënn vun der administrativer Dezentraliséierung ze verleeën.

Parlamentarische Fragen Landesplanung und Wohnen Staat und Öffentlicher Dienst André Bauler

Wat geschitt mat dem alen Verwaltungsgebai zu Dikrech?

A senger rezenter parlamentarescher Ufro freet den DP-Deputéierten André Bauler, wat mat dem ale Verwaltungsgebai zu Dikrech an der Alex Heck Strooss geschitt. Muss et wierklech ofgerappt ginn oder kéint et net nach fir aner administrativ Zwecker genotzt ginn?

Parlamentarische Fragen Landesplanung und Wohnen André Bauler

Wéi eng konkret Projeten fir d'Entwécklung vun der Nordstad virunzedreiwen?

Den aktuelle Koalitiounsaccord gesäit vir, d'Entwécklung vun der Nordstad duerch cibléiert Mesuren ze fërderen, wéi z.B. duerch d'Dezentraliséierung vu Verwaltungen aus der Stad an den Norden. Den DP-Deputéierten André Bauler huet dowéinst beim Minister fir Landesplanung nogefrot, wéi eng Initiativen de Minister an där Hisiicht well ënnerholl huet a wéi eng konkret Projete virgesi sinn.

Parlamentarische Fragen Landesplanung und Wohnen Max Hahn

Et feelt u Kohärenz an den Immobilienannoncen

D'Immobilien zu Lëtzebuerg si schwéier mateneen ze vergläiche well d'Annoncen immens verschidden opgebaut sinn. Mol ass net kloer wéi vill Meter Carré d'Wunneng oder d'Haus huet, mol ass den annoncéierte Präis mat 3% TVA gerechent, an eréischt méi spéit gëtt de Konsument da gewuer, dass hien eventuell guer keen Usproch op de reduzéierten Taux huet an den normalen Taux vu 17% muss bezuelen. Eisen Deputéierte Max Hahn huet zu dësem Thema e puer Froen un déi zoustänneg Ministesche gestallt. 

Parlamentarische Fragen Gemeinden Kultur Landesplanung und Wohnen André Bauler

Wat gëtt aus dem Biertrenger Schlass?

Den 29. Januar 2018 ass d‘Biertrenger Schlass am Kadaster vun der Gemeng Schieren ageschriwwe ginn. An enger parlamentarescher Fro, schreift eisen Deputéierten André Bauler, datt deen aussergewéinleche Site am Dikrecher Kanton et  verdéngt, fir renovéiert ze ginn. Esou wéi z.B. d’Schlass vun der Renaissance zu Beefort. Den Ament gehéiert d’Biertrenger Schlass dem Roude Kräiz, dat d‘Schlass verkafe wëll. Den André Bauler huet duerzou e puer Froen un d’Kulturministesch.  

Parlamentarische Fragen Arbeit Landesplanung und Wohnen Staat und Öffentlicher Dienst Gilles Baum

Eidel Déngschtwunnengen anescht notzen?

Wärend der leschter Legislaturperiod huet d‘Regierung de System vun de Déngschtwunnenge reforméiert, déi verschidde Fonctionnairen a Beamten aus dem Staatsdéngscht zur Verfügung gestallt ginn. Do gouf ë.a. de Loyer un de Marchéspräis an där spezifescher Zone adaptéiert. Eisen Deputéierte Gilles Baum huet der Ministesch vum Logement, dem Minister vun der banneschter Sécherheet an dem Finanzminister e puer Froen dozou gestallt.

Parlamentarische Fragen Landesplanung und Wohnen André Bauler

Entwécklung vum ländleche Raum

Den DP-Deputéierten André Bauler wollt ënnert anerem vum zoustännege Minister wëssen, wéi eng Mesurë fir d'Entwécklung vum ländleche Raum z'ënnerstëtzen an den nächste Jore geplangt sinn.

Parlamentarische Fragen Gemeinden Justiz und Sicherheit Landesplanung und Wohnen Joëlle Elvinger Guy Arendt

Halen d'Gemengen sech un de Pacte Logement?

Am Kader vum Pacte Gemeng hunn d'Gemengen d'Verflichtung den Notären Informatiounen ze gi fir datt dës kënnen definéiere wien alles vun engem Virkafsrecht bei Vente profitéiert. D'Gemeng Walfer schéint dat anescht ze gesinn.

Parlamentarische Fragen Landesplanung und Wohnen André Bauler

Wat geschitt mam Terrain vun der SNCT zu Kiischpelt?

Well d'Kontrollstatioun zu Kiischpelt soll zou gemaach ginn, an op zwou aner Plazen, op Maarnech an op de Fridhaff, komme soll, wollt den DP-Deputéierten André Bauler vum zoustännege Minister wëssen, wat mat dem Terrain zu Kiischpelt geschéie soll. De Site kéint jo ënnert anerem genotzt ginn, fir Sozialwunnengen ze bauen.