Fonds du Logement: Firwat konnte bestëmmt Terrainen a Gebaier bis elo nach net valoriséiert ginn?

D’DP-Deputéiert André Bauler a Max Hahn hunn beim zoustännege Minister nogefrot, ënnert wat fir enge Critèren de Fonds du Logement Immobilie keeft, a wisou verschidden Terrainen a Gebaier déi viru Joren opkaaft goufen, bis elo nach net valoriséiert goufen.

Firwat gouf d'ëffentlech Consultatioun vum Dossier FAGE an d'Summervakanz geluecht?

Den DP-Deputéierte Gusty Graas huet déi zoustänneg Ministere gefrot firwat d'ëffentlech Consultatioun vum Dossier FAGE an d'Summervakanz geluecht gouf? De Gusty Graas freet weider ob et net besser wier wann allgemeng esou Consultatiounen net an der Summerkanz géife stattfanne fir datt méi Bierger den Dossier kënne consultéieren a fir datt d'Gemenge sécher sinn, datt déi betraffe Gemengebeamten och disponibel si fir den Dossier beschtméiglechst ze präparéieren?

Projet Nordstad-Lycée: Wéi verleeft d’Acquisitioun vun de néidegen Terrainen ?

Obwuel d’Regierung schonn Enn 2014 decidéiert hat ee neie Standuert fir de Nordstad-Lycée zu Ierpeldeng op der Sauer unzeleeën, ass de Projet bis haut nach net vill avancéiert. Well den Ukaf vun den néidegen Terrainen sech als extrem schwéier erwisen huet, sinn d’Schüler och am Joer 2020 nach ëmmer op 3 provisoresche Sitten verdeelt. Den DP-Deputéierten André Bauler huet beim zoustännege Minister nogefrot, wei eng Terrainen sech de Staat bis ewell ugëeegent huet a wéini d’Konstruktioun vum neie Lycée soll fäerdeg ginn.

Eng besser Landesplanung duerch nei Aktivitéitszonen un de Grenzen

D'Schafe vun neien Aktivitéitszonen ass en zentraalt Instrument fir eng equilibréiert Landesplanung a wirtschaftlech Entwécklung. Besonnesch an der Grenzregioun, a mat Plaz fir Coworking-Strukturen, droen se dozou bäi, de Verkéier an den Zentrum vum Land ze reduzéieren. Aus deem Grond huet d'DP-Deputéiert Carole Hartmann bei den zoustännege Ministeren nogefrot, wou deen Dossier drun ass, wat an Zukunft geplangt ass an ob virgesinn ass, grad Zonen un de Grenzen a mat Coworking-Strukturen ze favoriséieren.

Drécheperioden: Privat Reewaasserbasengen fir Drénkwaasser ze spueren?

Duerch déi laang Drécheperiode geroden d'Waasserressourcen zu Lëtzebuerg ëmmer méi ënner Drock, soudass den Ëmweltministère d'Bierger ëmmer nees opfuerdert, spuersam mam Waasser ëmzegoen. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob et net eng Iddi wier, Reewaasserbasenge bei privaten Haiser ze fërderen, fir sou manner Drénkwaasser ze verbrauchen fir verschidden Aktivitéiten, wéi z.B. Planzen nätzen asw.

Alternativ Wunnformen méi einfach zougänglech maachen

Ëmmer méi Leit entscheede sech gäre fir alternativ Wunnformen, wéi z.B. "tiny houses". Zu Lëtzebuerg ginn et allerdéngs den Ament nach eng Rei Schwieregkeeten, wann een dee Wee goe wëll, z.B. a Bezuch op d'Mindestufuerderunge par rapport zur Gréisst vun enger Wunnunitéit. Den DP-Deputéierte Max Hahn huet nogefrot, wéi d'Regierung et den intresséierte Leit méi einfach wëll maachen, an engem "tiny house" ze wunnen a wéi gläichzäiteg verhënnert soll ginn, dass et op deem Wee zu enger Verbreedung vu prekäre Wunnverhältnisser kënnt.

Wéi gesinn d'Investisiounshëllefe fir d'Landwirtschaft ab dem 1. Januar 2021 aus?

Wéi gesinn d'Investitiounshëllefe fir d'Landwirtschaft ab dem 1. Januar 2021 aus? Dat ass eng Fro déi vill Baueren sech momentan stellen. Wéi laang wäert d'Iwwergangsphase dauere bis dat neit Agrargesetz a Kraaft wäert sinn? Ginn d'Tauxen erop? Wat ass wann een de Plaffong schonn erreecht huet? D'Bauere brauche Planungssécherheet fir kënne weider an hir Betriber z'investéieren. Dofir hunn d'DP-Deputéiert Gusty Graas an André Bauler de Landwirtschaftsminister gefrot, wéi d'Hëllefen ab dem 1. Januar 2021 wäerten ausgesinn a wéini hien de Secteur doriwwer wëll informéieren.

Wunnenge fir Jonker

Besonnesch fir jonk Leit ass et schwéier um Lëtzebuerger Immobiliëmarché eppes ze fanne wat zu hirer perséinlecher, finanzieller a sozialer Situatioun passt. Ma et gi jo Wunngemeinschaften, Studentewunnengen an och encadréiert Wunne fir Jonker. Wéi vill Projete sinn nach an der Realisatioun a wéi hunn d'Zuelen sech an deene leschte 5 Joer entwéckelt? Dës a weider Froen hunn eis Deputéierte Max Hahn an André Bauler dem Logementsminister gestallt. 

Lëtzebuerg ëmfaassend weiderentwéckelen

Wéi sollen déi ländlech Géigenden an Zukunft weider opgewäert an entwéckelt ginn? Fir den DP-Deputéierten André Bauler heescht d’Schlësselwuert „Dezentraliséierung“. Ë.a. duerch Télétravail, Coworking Spaces an eng méi staark Usiidlung vu Verwaltungen uechter d‘Land gëtt d’Stad entlaascht, d’Mobilitéit verbessert an d‘Liewensqualitéit verbessert.

32 Milliounen € fir Infrastrukture fir Esch2022

D’Chamber huet en Dënschdeg Reamenagementer un enger Partie Gebaier guttgeheescht, déi an zwee Joer fir d’europäesch Kulturhaaptstad gebraucht ginn.

Speziell Wunnengen an Ateliere fir Kënschtler schafen?

Jonk Kënschtler si finanziell net ëmmer gutt gestallt fir eng Wunneng mat engem klengen Atelier ze lounen. Et ass also wichteg, datt hinnen op deem Plang gehollef gëtt.

Dofir huet den Deputéierten André Bauler d'Kulturministesch gefrot ob et de Moment speziell Wunnenge gëtt fir jonken Artisten zur Verfügung ze stellen. Weider wollt den Nord-Deputéierte wëssen ob d'Ministesch envisagéiert fir neie Wunnraum fir Kënschtler erschléissen ze loossen; Wunnengen, déi mat Ateliere kéinte kombinéiert ginn.

Wéi ee Site fir déi nei ASTA-Laboen?

Wou sollen déi nei Laboe fir d'Administration des services techniques de l'agriculture (ASTA) hikommen? Nodeems, wéi et schéngt, aus dem urspréngleche Site um Fridhaff bei Dikrech näischt gëtt, huet den DP-Deputéierten André Bauler beim zoustännege Minister nogefrot, wéi eng aner Plazen ëm d'Nordstad a Fro géife kommen. Ausserdeem wollt den André Bauler wëssen, ob virgesi wier, all d'Büroe vun der ASTA op den neie Site am Sënn vun der administrativer Dezentraliséierung ze verleeën.

En neie Pakt fir méi bezuelbare Wunnraum

En Dënschdeg war um Krautmaart eng Consultatiounsdebatt iwwert de Pacte Logement 2.0, den ab Januar 2021 den éischte Pakt tëscht dem Staat an de Gemenge wäert ofléisen.

Wat geschitt mat dem alen Verwaltungsgebai zu Dikrech?

A senger rezenter parlamentarescher Ufro freet den DP-Deputéierten André Bauler, wat mat dem ale Verwaltungsgebai zu Dikrech an der Alex Heck Strooss geschitt. Muss et wierklech ofgerappt ginn oder kéint et net nach fir aner administrativ Zwecker genotzt ginn?

Dezentral planen und handeln

Die personelle Verstärkung der öffentlichen Verwaltung im Nordbezirk ist unabdinglich und würde der ganzen Region nutzen.